الحشد الشعبی مبارز ځواک دعراق د ټاټوبي ساتونکی دی
د الحشد الشعبي ځواک دیرش زره پرسنل د کربلا د پلي لاریون په درستې لارې کې د حسینی اربّعین دعراقي زیارتوالو امنیت تامین کړی دی .
زمونږخبریال راپور راکړ د عراق د الحشد الشعبي ولسي مبارز ځواک مشر فالح الفیاض بیګا په کربلا کې په خبري کنفرانس کې وئیلی دي،د حسینی اربعین زیارت د عراق د ولس او د الحشد الشعبی مبارز ځواک دپیوستون لامل شوی او ولسی مبارز او رضاکارځواک به په درستو مشکلاتو او ترینګلتیاؤ کې د خپل ولس ملاتړی او پشتیبان وي .
هغه روښانه کړې ده،الحشد الشعبی ځواک د عراق د ملت خادم او د خپل ټاټوبي ساتونکی دی او هیڅکله به هم په دغې خاورې کې چا ته د اړۍ ګړۍ اجازت ورنکړي .
فالح الفیاض ټينګار کړی دی دغه مبارز ولسی ځواک د کرونائي بحران له امله له زیاتو مشکلاتو او چیلنجونو سره سره،د حسینی اربعین د دستورو هراړخیزو ټينګ کړی دی .
له دې مخکې د عراق د العباس مبارز لښکر قوماندان هم وئيلي وو ، د الحشد الشعبي ځواک دیرش زره پرسنل د کربلا د پلي لاریون په درستې لارې کې د حسینی اربّعین دعراقي زیارتوالو امنیت تامین کړی دی .
د کرونا ویروس د خوریدا او په دې اړه دعراقی چارواکو د اندیښنو له امله سږکال د حسینی اربعین پلی لاریون ،یوازې دعراقي زیارتوالو په شتون او له بهرنیو زیارتوالو پرته ترسره کیږي او له بل پرون پیل شوی او د اربعیّن تر ورځې پورې به دوام ولري .
