د داعش ترهګرې ډلې نوی مشر معرفي شوی
فارس خبري اژانس وايي داعش ترهګرې ډلې د خپل مشر د وژل کیدا د تائیدولو په ترڅ کښې ابو الحسین الحسیني القرشي د خپل نوي مشر په توګه معرفي کړ.
د داعش وهابي صهیونیسټي تکفیري ډلې ویاند ابي عمر المهاجر پرون په یوه غږیز پیغام کښې د دغه ډلې د سرغنې ابي الحسن الهاشمي القرشي وژله تائید کړه.
المهاجر په دوام کښې ابو الحسین الحسیني القرشي د داعش ترهګرې ډلې د نوي مشر په توګه معرفي کړ او له هغه سره د بیعت کولو غوښتنه یې وکړه.
داعش تکفیري ترهګره ډله د القاعده ډلې یوه برخه ده کومې چې په دوه زره دیارلسم میلادي کال کښې د سعودي عربستان د امریکا د بریتانیا او د نورو عربو هیوادونو په مالي، وسله وال او استخباراتي ملاتړ او مرستې سره په عراق کښې خپل شتون اعلان کړ او وتوانیدله چې د عراق او د سوریې یوشمیر سیمې ونیسي خو د دوه زره اولسم میلادي کال تر پاې پورې یې ټولې نیول شوي سیمې له لاسه ورکړې.
د داعش وهابي صهیونیسټي تکفیري ترهګرې ډلې بنسټګر او لومړی مشر ابوبکر بغدادي و.
د داعش ترهګرې ډلې مشرانو خپل ستر هدف د خلافت احیا کول بللی او دغه ډلې په خپلو مخالفو مسلمانانو باندې د کفر په فتوا لګولو سره د ډیرو مخالفو مسلمانانو په تیره بیا د شیعه مسلمانانو پرضد زیات جنایتونه او جرمونه ترسره کړي دي.
داعش ډلې له القاعده او نورو وهابي ډلو سره یوځاې په ټوله دنیا په تیره بیا سوریې ، یمن ، لبنان ، عراق ، افغانستان، پاکستان او نورو هیوادونو کښې د ښځو او د ماشومانو په شمول ډیر بې ګناه خلک وژلي دي.
