اوکراین په بې پیلوټو الوتکو سره په پوټین برید کړی
د روسیې د ولسمشر ویاند د کرملین په ولسمشریزې ماڼۍ باندې د اوکراین له لورې د بې پیلوټو الوتکو د برید خبر ورکړی دی.
د فارس له راپور سره سم، د روسیې د ولسمشر ویاند دیمیتري پسکوف په کرملین باندې د اوکراین د بې پیلوټو الوتکو د برید په هکله د خبر په ورکولو سره، اعلان وکړ چي د برید هدف د روسیې ولسمشر ولادیمیر پوټین و.
هغه ټینګار کړی چي د روسیې حکومت د اوکراین د دغه اقدام په وړاندې د غبرګون پوره حق لري.
د پسکوف په وېنا دغه برید د دوو بې پیلوټو الوتکو په وسیله تر سره شوی چي کرملین ته له رسېدو مخکې د روسیې د دفع هوا له خوا نسکوره شوي دي.
د پوټین ویاند د اوکراین دا برید ترهګریز بللی او د غچ د اخیستلو ژمنه یې کړې ده او د هغه په وېنا د برید پر مهال د روسیې ولسمشر په کرملین کې نه وو.
یو شمېر ناتائید شوي راپورنه وایي چي برید په کرملین نه بلکې د پوټین په کور باندې شوی چي د روسیې د پارلمان سره په څنګ کې واقع شوی دی.
