اردوغان :
د ترکیې د تجزیه کېدو اجازه نه ورکوو
د ترکیې ولسمشر رجب طیب اردوغان په خپلو ټاکنیزو وېناو کې ادعا وکړه چي د هغه سیال نوماندان د دې هیواد د تجزیه کولو په لټه کې دي.
اردوغان د جمهور د سیاسي ائتلاف په استازیتوب، کمال قلیچدار اوغلو د ملت ائتلاف په استازیتوب، محرم اینجه د ممکلت د ګوند او سینان اوغان د آتا د سیاسي ائتلاف په استازیتوب د ترکیې په ولسمشریزو ټاکنو کې نوماند شوي دي.
یادو نوماندانو خپل ټاکنیز کمپاینونه پیل کړي دی او د ترکیې په مختلفو ښارونو کې تبلیغات کوي.
د ترکیې ولسمشر اردوغان په استانبول کې په یوه مراسم کې په خپلو سیالو نوماندانو باندې د ترکیې د تجزیه کولو تور ولګول او ټینګار یې وکړ چي د دې کار اجازه نه ورکوي.
د اردوغان ټاکنیز کمپاین د اتاترک په هوایي میدان کې د کابو دوو میلیونو خلګو او مختلفو رسنیو په ګډون تر سره شو.
هغه وویل: مونږ قلیچدار اوغلو ته اجازه نه ورکوو چي د ترهګرو سازمانونو په ملګرتیا زمونږ هیواد ټوټې ټوتې کړي.
هغه د اسټانبول په ټاکنیز کمپین کې د خلګو پراخ ګډون د خپلې کامیابۍ نښه وباله او ټینګار یې وکړ چي په ټاکنو کې له بریا وروسته به د ترکیې ۷۹ ولایتونو ته سفر وکړي او له خلګو څخه به مننه وکړي.
ټاکل شوې ده چي ۶ ورځې وروسته په ترکیې کې ولسمشریزې ټاکنې وشي.
