په سویډ کې د قرآن د سپکاویوپه ضد د اسلامی نړۍ یو موټی دریځ
په سویډ کې د قرآن کریم دسپکاویو تکراریدا په اسلامی هیوادونو کې د حکومتونو،خلکو،شناندو،کارپوهانو او مراجعو له پراخو غبرګونونو سره مخامخ شوې ده .
د جون په ۲۸نیټه د سلوان مومیکا په نامې سره یوه عراقي توکمه سویډي ښاریز په سټاکهم کې د د قربانۍ دلوي اختر دچټیانو په لومړنۍ ورځ،ددغه ښار دیوه مرکزی جومات په وړاندې د قرآن پاک یوه نسخه وشلوله او بیا ئې ورته اور واچوؤ.
د سلوام مومیکا دغه سپک اقدام ،د سویډ د حکومت په ملاتړ سره ترسره شو.ددغه سپير او ځيږ او بوږنونکي جنایت شنه اشاره ، دسویډ د یوې محکمې له خوا په یوې فیصلې سره ورکړل شوې ده. دوه اونۍ مخکې دسویډ پولیسو وئيلي وو، چې ټاکل شوې ده ، په سټاکهم کې دوه مظاهرې وشي او په هغو کې به قرآن کریم ته اور واچول شي اوپولیس ددغو مظاهرو دمجوز د صادرولو مخالف دی ،خو نوموړي محکمې دپولیسو دغه غوښته رد کړه.
یو څيړنیز خبریال ولید المقدادي چې په سویډ کې ژوند کوي، په ؛ترټولو ښې خبرې ؛نومې پروګرام کې چې د روسیا الیوم چینل څخه خپریږي، ووئيل، سیلوان مومیکا د عراق په شمال کې د نینوا ولایت اوسیدونکی او یو لیبرل،ملحد او افراطي کس دی ، هغه د سریاني ډيموکراټيک ګون بنسټګر او د؛صقور السریان ؛نومې وسلوالې ډلې کمانډر ؤ چې د داعش له نیواکه د نینوا ولایت دآزادولو لپاره جوړه کړې شوي وه. دهغه په وینا،سلوان مومیکا په ۲۰۱۷کال کې د جنګی جنایتونو په تور ونیول شو او وروسته د لویدیځي هیوادونو په دخالت سره خوشي شو او سویډته لاړ اوا وس هم دداغه هیواد د یوۀ سرزوري اوافراطي ګوند غړی دی.
د قرآن کریم په ضد دسپکاوي اقدام د سویډ او د درستې نړۍ دمسلمانانو ددیني حقوقو د خلاف ورزۍ ښکاره مصداق دی چې په ځان پسې ئې د له حکومتونو او ولسه رانیولې تر مراجعو پورې ددرستو مسلمانانو یوموټي شونه درلودلې ده. دعراق په زرګونو کسان وړمه ورځ په بغداد کې د سویډ دسفارت په وړاندې غونډ شول او او د سویډ د سفیر د ویستلو غوښته ئې وکړه .
ډیرو اسلامی حکومتونو هم دقرآن کریم په ضد په سپکایو غبرګونونه وښودل. د متحده عربی اماراتو خارجه وزارت دسویډ دسفیر په احضارولو سره ټينګار کړی چې افراطي عناصرو ته د سویډ دحکومت اجازت ورکول او د قرآن کریم د نسخې سوځول ، اجتماعي ارزښتونو ته دبې احترامۍ نښه ده . د اردن خارجه وزارت هم دسویډ سفیر احضار کړی ا، ټينګار ئې کړی دی،دغه اقدامات جنایت دی او په درستې نړۍ کې د څه د پاسه دوه میلیارډ مسلمانانو داحساساتو دپاریدا سبب کیږي. نو ځکه دغه اقدامات، چې د کرکې او نفرت د کلتور یوه ترټولو بده بیلګه ده ، باید ورسره مقابله وشي او د سولې او د نورو د منلو فرهنګ دود شي.
دعراق د الحشد الشعبی ولسی مبارز ځواک کمانډر فالح ا لفیاض هم دغه سپير اقدام بې ننګه ترهه ګري وبلله . د عربی نړۍ د سیاسی اقتصاد یوه شناندي او دنړیوالو اړیکو څیړاند ابوبکر الدیب هم د سویډ په ضد د رټونکي بایکاټ د آوزار د کارولو غوښتنه کړې او و ئيلي ئې دي ،د قرآن کریم د سوځولو له جنایته وروسته ،د سویډ په ضد د اسلامی او عربی هیوادونو داقتصادي بایکاټ د وسلې فعالیدا د سټاکهم لپاره څه دپاسه شل میلیارډ ډالري لګښتونه درلودلي دي.
د اسلامی ملګرتیا موسیسې سکرټریټ هم اعلان کړی چې راتلونکي اونۍ په سویډ کې د قرآن کریم د سپکاویو داقداماتو د ارزونې په موخې سره د عربستان په جده ښار کې ددغې موسیسې بیړنۍ غونډه ترسره کیږي.په عین حال کې په عراق کې د نړۍ د یوه ستر دیني مرجع آیت ا... العظمی سید علی سیستاني په یوې اعلامیې کې د سویډ دپولیسو په مجوز سره دقرآن کریم د سپکاوي په باب د ملګروملتو سرمنشي آنتونیو ګوتریش ته دیوه پیغام په لیږلو سره وئیلي دي، د بیان آزادۍ ته احترام ددغه شان شرمؤنکي چلند لپاره هیڅ ډول مجوز نشي کیدلی چې په نړۍ کې په نړۍ کې ئې د څه دپاسه دوه میلیارډ مسلمانانو مقدساتو باندې ښکاره تیری دی او د غلطو چلندونو او او د افراطي افکارو د خوریدا لپاره دیوې مناسبې فضا درامینځةکیدا سبب کیږي:::
