د شیکاګو ډاکټرانو د فلسطین د خلکو ملاتړ کړی

د امریکا د شیکاګو ښار روغتیایي کارکونکو د هنر موزیم مخې ته په راټولېدو سره، د غزې پر روغتیایي زیربناوو باندې پر پراخو بریدونو اعتراض وکړ.

د سي بي ایس د خبر له مخې، په دې راټولېدنه کې حاضرو ډاکترانو، د هغو ټولو ډاکټرانو او نرسانو د نومونو او انځورونو په ښودلو سره، چې د صهیونیسټي رژیم له لوري په شهادت رسېدلي، درناوی وکړ.

دغو ډاکټرانو په غزه کې د صهیونیسټانو نسل وژنه وغندله او د اوربند پر ضرورت یې ټینګار وکړ.

اسرائیلو له حماس سره د یوه اونیز اوربند تر پایته رسولو وروسته، پر غزې خپل پوځي بریدونه بیا پیل کړل.

په دغه سیمه کې د اسرائیلو په بې رحمانه هوایي او ځمکنیو بریدونو کې لږ تر لږه ۱۷ زره او ۴۸۷ فلسطینیان شهیدان شوي او څه دپاسه ۴۶زره او ۴۸۰ نور ژوبل دي.