په ترکیه کې پراخ اورلګېدنه

پارس تودي - د ترکیه په شمال‌لوېدیځ کې د پراخې اورلګېدنې له امله د اوسیدونکو تخلیه او د داردانل تنګي موقتي بندېدل او د کښتیو تګ‌راتګ ودرول شو. 

د پارس تودي د راپور له مخې، محلي سرچینو اعلان وکړ چې دا اورلګېدنه د چناق‌قلعه ولایت په «ساریکایلی» کلیو کې له یوې مزرعې پیل شوه او د سختو بادونو له امله شاوخوا ځنګلونو ته خپره شوه. 

د چناق‌قلعه والي «عمر تورامان» اعلان وکړ چې اته الوتکې، څلور چورلکې او لسګونه د اور وژنې موټر او درانه تجهیزات د اور مړ کولو لپاره سیمې ته استول شوي دي. 

د ترکیه دولتي ټلویزیون ټي‌آر‌ټي هم راپور ورکړ چې د داردانل تنګي له دواړو خواوو تړل شوې ترڅو د اور وژنې هوایي عملیات پرته له خنډه ترسره شي.