روسیه یوازې د اټومی انرژۍ دنړیوال اژانس پلټنې منی
-
روسیه باوري ده چې په ایران کښې داټومي انرژۍ دنړیوال اژانس پلټنو ته اړونده ټولې چارې باید په دقیق ډول د اژانس د اوزارونو په چوکاټ کښې حل شي .
ایرنا خبری اژانس وایی د روسیې د بهرنیو چارو د وزارت ویاندې میرمن ماریا زاخارووا(Maria Zakharova) وویل ماسکو دایران داټومی پروګرام په ارتباط د اټومی انرژۍ دنړیوال اژانس له تضمین او پلټنو پرته بل هیڅ ځای ناستی نه منی .
هغې دایران د اټومی پروګرام په اړه دصهیونیسټ رژیم د لومړی وزیر بنیامین نتانیاهو دپروپاګنډې په اړه دیوې(۱) پوښتنې په ځواب کښې وویل ماسکو داټومی انرژۍ دنړیوال اژانس د پلټنو روده منی نه دا چې بیلابیل ډول انحرافات او ګونګوسې چې له بده مرغه حاضردمه ډیرې زیاتې دی .
زاخارووا وویل روسیه باوری ده چې په ایران کښې داټومی انرژۍ دنړیوال اژانس پلټنو ته اړونده ټولې چارې باید په دقیق ډول د اژانس د اوزارونو په چوکاټ کښې حل شی او هره مسله چې نیغ په نیغ د اټومی موافقې داجرا له بهیر سره اړونده ووسی یوازې د ایران او د پینځه جمع یوې ډلې په ګډ کمیسیون کښې ورباندې غور کیدلای شی .
دصهیونیسټ رژیم لومړی وزیر نتانیاهو چې د چټی نندرو په ترسره کولو مشهور دی په تیرې دوشنبې ورځ په یوه (۱)نوی اقدام کښې د څو کاغذونو ، عکسونو او د سی ډی یانو په ښودلو سره ایران د اټومی وسلو د جوړولو لپاره په پټې هڅې تورن کړ .
