جرمني  د نتنیاهو د نیوللو لپاره ځان تیاروي

د جرمنی حکومت اعلان کړی دی که د اپیل نړیواله محکمه  د صهیونیسټ ررژیم د لومړی وزیر بینیامین نتنیاهو او د دغه  رژيم د جنګ وزیر یوآؤ ګالانټ د نیولو حکم صادر کړي، نو برلین به دغه فیصله او حکم اجرا کړي.

د وحشي او نسل وژونکي صهیونیسټي له جنایتونو څخه دنړۍ د کرکې او نفرت بهیر مخ په پراختیا دی  او د اسرائيلو ملاتړي هیوادونه ئې همه پخپل لوري کاږي ، د صهیونیسټ رژیم  په ضد د جرمني د دغه دریځ بدلول  په داسې حال کې دي چې دغه هیواد له امریکا وروسته د اسرائيلو یو پخوانی ملاتړی او  د غزې په ضد په جنګ کې  اسرائيلو ته د وسلو  دوهم لیږونکی هیواد دی . 

پولیټيکو   راپور ورکړی ،  د  جرمني د حکومت ویندوي شټفن هبسټرایټ  په دې باب د خبریالانو  د پوښتنې په ځواب  کې چې  ایا برلین  د نتنیاهو او ګالانټ  دنیولو فیصله اجرا کوي،؟ ووئيل؛ دجرمني حکومت د قانون تابعیّت کوي.  

د جینائي  چارو  نړیوالې محکمې لوي څارنوال کریم خاان  وئيلي دي ،  چې دغه عدالت  د صهیونیسټ رژیم د لومړي وزیر نتنیاهو او د جنګ د وزیر یوآؤ ګالانټ  لپاهر د نیولو د حکم په صادرولو پسې دی.

که په هیګ کې د   جینائي نړیوالې محکمې  درې  قاضیان د نتنیاهو او ګالانټ  د نیولو  د فیصلې له صادرولو سره موافقه وکړي ، نو  دغه دواړه به  له دې وروسته ونه توانیږي،د روم د موافقې هیڅ یوه لاسلیک کونکي هیواد ته چې ۱۲۴هیوادونه پکې شامل دي ، سفر ونه کړئ شي.