Pars Today

Hazret Ajatollah Khamenei, Udhëheqësi Suprem i Revolucionit Islamik, në fjalimin e tij të ditës së parë të vitit të ri iranian, në dimensionin ndërkombëtar, duke theksuar se çështja e Palestinës dhe Gazës është një çështje ndërkombëtare e klasit të parë tha se rastet e Gazës treguan çfarë padrejtësie po i bëjnë popullit të saj të ashtuquajturat qytetërime perëndimore me pretendime për të drejtat e njeriut.

Udhëheqësi Suprem i Revolucionit Islamik e trajtoi sot çështjen e Palestinës nga disa këndvështrime. Këndvështrimi i parë ishte kritika ndaj pretendimeve për të drejtat e njeriut të botës perëndimore. Rreth 32 mijë njerëz janë martirizuar në Gaza nga regjimi sionist. Jeta në këtë brez është shkatërruar, madje disa zyrtarë perëndimorë kanë shprehur vazhdimisht shqetësimin dhe paralajmërimin për gjendjen e rëndë njerëzore në këtë vend. Antonio Guterres, Sekretari i Përgjithshëm i Kombeve të Bashkuara, ka deklaruar vazhdimisht se ajo që regjimi sionist po kryen në Gaza është një shembull i gjenocidit. Megjithatë, të drejtat e pretenduara të njeriut të qeverive perëndimore nuk përfshinin popullin e Gazës, madje këto qeveri kanë kontribuar në përshkallëzimin e krizës humanitare në Gaza. Lideri Suprem i Revolucionit Islamik në lidhje me këtë tha: Kjo botë perëndimore, kjo e ashtuquajtur botë e qytetëruar që pretendon të drejtat e njeriut, tregoi se çfarë errësire sundon mbi jetën, mendimet dhe veprimet e tyre. Masakohen rreth 32 mijë njerëz, nga foshnjat tek adoleshentët, tek të rinjtë, tek të moshuarit, nga femrat, meshkujt, tek të sëmurët. Brenda një periudhe të shkurtër kohore, tridhjetë mijë nga këta njerëz do të vriten, shtëpitë e tyre do të shkatërrohen dhe infrastruktura e vendit të tyre do të shkatërrohet. Bota e qytetëruar jo vetën qëndron duarkryq, por edhe i ndihmon.  Këndvështrimi i dytë ishte theksimi i legjitimitetit të frontit të rezistencës në rajonin e Azisë Perëndimore. Kjo është e vërtetë veçanërisht me faktin se fronti i rezistencës nuk heshti përballë krimit të regjimit sionist. Ndërsa e ashtuquajtura bota e qytetëruar e Perëndimit u bë partnere në krimet e sionistëve, boshti i rezistencës, sipas interpretimit të liderit të revolucionit, nuk u ul i qetë përballë shtypjes së sionistëve dhe u përball me këtë shtypje të tyre. Sipas interpretimit të Udhëheqësit Suprem të Revolucionit Islamik, lufta e Gazës ishte "një demonstrim i situatës së vërtetë të rezistencës". Forca e rezistencës në rajon kanë treguar se përllogaritjet e Amerikës dhe aleatëve të saj në rajon janë të pasakta.  Këndvështrimi i tretë ishte për të vërtetuar krizat dhe dobësitë e regjimit sionist. Nga njëra anë, lufta e Gazës tregoi krizat e brendshme të regjimit sionist, si dallimet dhe divergjencat e rënda politike, ekstremizmin dhe pakënaqësitë e përhapura popullore. Në të njëjtën kohë, kjo luftë dëshmoi se Gaza ishte një moçal për regjimin sionist, nga i cili nuk mund të dalë dot. Udhëheqësi Suprem i Revolucionit Islamik po ashtu në këtë kontekst deklaroi: ““Regjimi sionist, duke hyrë në luftën e Gazës, ka hyrë në një moçal të tillë që, si të dalë nga Gaza, si të mos dalë, ai gjithsesi ka dështuar”. Kjo është situata e regjimit sionist. E njëjta kontradiktë që ekziston në vendimet e tyre dhe marramendja nga të cilat vuajnë, ka shkaktuar mosmarrëveshje të thella mes zyrtarëve të regjimit sionist brenda regjimit, saqë ata nuk mund të marrin një vendim. Sot, regjimi sionist nuk mund të marrë një vendim. Këndvështrimi i katërt ishte se lufta e Gazës tregoi urrejtje globale për Amerikën. Edhe para luftës së Gazës, Amerika ishte e urryer midis kombeve të rajonit. Mbështetja e Amerikës për krimet e regjimit sionist kundër popullit të Gazës bëri që urrejtja ndaj Amerikës të përhapet në nivel botëror.  Në lidhje me këtë Ajatollah Khamenei tha: “Amerika zgjodhi situatën më të keqe të mundshme në Rripin e Gazës. Ajo bëri që të urrehej nga e gjithë bota. Këta njerëz që po demonstrojnë në rrugët e Londrës dhe Parisit dhe vendeve të tjera evropiane dhe vetë Amerikës në favor të Palestinës, në fakt po deklarojnë urrejtjen e tyre për Amerikën. Amerika ishte e urryer në botë. Urrehej në rajon dhe tani u bë dhjetë herë më e urryer.