Vendimi i Italisë për t'u tërhequr nga nisma Një Brez një Rrugë
Mediat italiane raportuan sot (e dielë) se kryeministrja e këtij vendi në një takim me kryeministrin kinez Li Qiang në margjinat e samitit të G20 në Delhi ka deklaruar synimin e saj për t'u tërhequr nga iniciativa Një Brez një Rrugë.
Sipas Reuters, Italia po kërkon të minimizojë çdo reagim negativ nga Pekini për këtë vendim të rëndësishëm, duke ndjekur kështu forcimin e marrëdhënieve ekonomike me Kinën. Gazeta italiane Corriere della Sera shkroi: Kryeministrja Giorgia Meloni i njoftoi homologut të saj kinez planin e saj për t'u tërhequr nga Iniciativa Një Brez një Rrugë (BRI) dhe Kryeministri kinez Li Qiang ka bërë përpjekjet e fundit për të bindur Italinë që të rishqyrtojë vendimin. Në takimin e tij me kryeministrin e Italisë në Samitin e G20, kryeministri kinez ka theksuar se Kina është e gatshme të zgjerojë komunikimin dhe koordinimin me Italinë në kuadër të G20 për të mbrojtur sigurinë globale, zinxhirët industrialë dhe të furnizimit. Politikanët italianë kanë vënë në pikëpyetje nismën Një Brez një Rrugë të nënshkruar nga qeveria e mëparshme në vitin 2019, një marrëveshje që kritikët e shohin si një mjet për të zgjeruar ndikimin e Kinës në vend. Para 10 vitesh Kina nisi projektin gjigant të Rrugës së Re të Mëndafshit – një itinerar tregtar nëpër disa kontinente. Në atë kohë presidenti kinez Xi Jinpig deklaroi: “Kjo nismë gjigante do të ndihmojë të gjithë njerëzit përgjatë itinerarit.” Ai foli për një unazë ekonomike dhe qëllim zgjerimin e infrastrukturës dhe lidhjeve ekonomike të Kinës në drejtim të Europës.
