Сафари вазири хориҷаи Эрон ба Маскав ; нигоҳе ба аҳдоф ва аҳамияти равобити роҳбурдии Эрон ва Русия
Ҳусайни Амирабдуллоҳиён-вазири умӯри хориҷаи Ҷумҳурии исломии Эрон ба даъвати Сергей Лавров-вазири умӯри хориҷаи Русия шомгоҳи сешанбе дар садри ҳайати баландпоя вориди Маскав шуд .
Вазири умӯри хориҷаи Эрон дар ин сафар бо мақомоти Русия дидор ва дар бораи равобити дуҷониба ва муҳимтарин таҳаввулоти минтақаӣ ройзанӣ хоҳад кард.
Ин дидор дар ҳоле анҷом мешавад, ки таҳаввулоти ҷорӣ дар минтақаи Қафқози ҷанубӣ ва Афғонистон зарурати машварату ройзании Эрону Русияро дар чорчуби ҳамкориҳои роҳбурдӣ дар ҷиҳати муқобила бо тероризму ишғолгарӣ ва ҳифзи манофеи ҷамъӣ дар муқобили таҳдидҳои муштарак, музоъаф кардааст .
Эрону Русия ба унвони авомили фаъолу муассир дар ҳифзи суботу амнияти минтақаӣ мусаммам ба ҳамкорӣ ва тақвияти чандҷонибагароӣ дар мавриди бахши васеъӣ аз масоили дуҷониба байналмиллалӣ ва минтақаӣ ҳастанд ва музокироти имрӯз дар Маскав дар ҷиҳати ҳамин ҳадафаст .
Вазири умӯри хориҷаи Ҷумҳурии исломии Эрон дар оғози вуруд ба Маскав дар ҷамъи хабарнигорон ёдовар шуд: Интизори Эрон аз мақомоти расмии Русия ин аст, ки нисбат ба ҳар гуна тағйири эҳтимолии марзҳо дар минтақа ва ҳузури террористҳо ва таҳаррукоти режими саҳюнистӣ дар минтақа, ки алайҳи сулҳу суботу амният дар минтақа аст, ҳассос бошанд .
Аз ин рӯ ҷанбаи дигари аҳамияти равобити роҳбурдии Эрону Русия таъсиргузор будани ин равобит бар муқобила бо якҷонибагароии Амрикост. Мудохилоти низомии Амрико дар ғарби Осиё сабаби бесуботӣ ва ноамнӣ дар минтақа шудааст . Стратегияи муштараки Эрон ва Русия тақвияту тавсеъаи чандҷонибагароӣ дар баробари якҷонибагароии Ғарб аст.Акнун шароити амниятӣ ва муъодилоти низомӣ дар ғарби Осиё тағйир кардааст ва хуруҷи шармандаовари низомиёни Амрико аз Афғонистон яке аз нишонаҳои ин тағйир аст . Дар ин раванд муаллифаҳо ва авомили минтақаӣ ҳамчун безории миллатҳои минтақа аз мудохлагарии Амрико ва уфули қудрати низомии Амрико ва тақвияти ҳамкориҳои дифоӣ ва амниятии дарунминтақаӣ бо мушорикати кишварҳои қудратманду мустақиле монанди Эрон, Русияву Чин нақш доштааст.
Исмоили Ардаконӣ-коршинос ва таҳлилгари масойили сиёсӣ муътақид аст : Эрону Русия ба ин бовар расидаанд, ки бо кумаки якдигар метавонанд бо густариши ҳамкориҳои иқтисодӣ, сиёсӣ ва низомии Вашингтонро дар расидан ба аҳдофаш ноком кунанд. Зимни инки мубориза бо зиёдахоҳии Амрико дар арсаи сиёсӣ, амниятӣ ва иқтисодӣ метавонад заминаро барои иҷмоъ дар бораи зарурати тағйири рафторҳои Амрико дар соири масоили байналмиллалӣ низ эҷод кунад .
Владимир Путин-раиси ҷумҳурии Русия ахиран дар гуфтугӯи телефонӣ бо Сайидиброҳими Раисӣ-раиси Ҷумҳурии исломии Эрон бо таъкид бар инки тавсеъаи равобит бо Эрон аз аҳамияти зиёде барои Русия бархурдор аст, гуфт : Аз пешниҳоди бастани қарордоди ҷомеъи ҳамкориҳои дуҷонибаи истиқбол ва ҳимоят мекунад.
Нақши Русия дар тўоФқи ҳастае Эрони вмшоркти дрбрномаҳҳои сулҳомез ҳастае ; узвияти доими Эрон дар Созмони ҳамкории Шанхай ва Иттиҳодияи иқтисодии Авруосиё дар канори ҳамкории ду кишвар дар тавсеъаи масири тиҷории мавсум ба каридори Шимол-Ҷануб аз заминаҳое ҳастанд, ки бистари тавсеаи ҳамкориҳои иқтисодии ду ва чандҷонибаро фароҳам кардааст.
Ин сатҳ аз равобит эҷоб мекунад ду тарафи ройзаниҳои бардавоме барои истифодаи беҳина аз тамоми зарфиятҳои сиёсӣ – иқтисодӣ ва ҳамгаройии амниятӣ дар муқобили таҳдидҳои муштарак дошта бошанд.
Аҳамияти сафари вазири умӯри хориҷаи Эрон ба Маскав ва интизороти Теҳрон аз музокироти роҳбурдӣ бо мақомоти Русияро мебоист дар ростои ҳамин аҳдоф арзёбӣ кард.
Бештар бихонед :
