Додситони кулли Тоҷикистон ширкати "Барқи Тоҷик"-ро ба ироаи гузориши ҷаълӣ муттаҳам кард
Апрел 05, 2020 20:56 Asia/Dushanbe
Додситони кулли Тоҷикистон кормандони ширкати давлатии "Барқи Тоҷик"-ро ба ироаи гузоришҳои ҷаълӣ дар бораи мизони барқи масрафӣ дар ин кишвар муттаҳам кард.
Ба нақл аз сомонаи Спутник, Юсуф Раҳмон гуфтааст, ки дар натиҷаи баррасии фаъолияти ин ширкат аз сӯи гурӯҳи вижае аз додситонии кулли Тоҷикистон, мушаххас шуд, ки кормандони ширкати давлатии "Барқи Тоҷик" бо поён нишон додани мизони барқи масрафӣ, даст ба ихтилоси миллионҳо сомонӣ задаанд.
Таи солҳои 2018-2019 кормандони ширкати барқи ноҳияи Ваҳдат, дар натиҷҷаи кам нишон додани мизони барқи масрафӣ дар ин минтақа, ба маблағи 12 миллион сомонӣ ба буҷаи ҳукумат хисорат ворид кардаанд.