Кумитаи давлатии молиёти Тоҷикистон ба фаъолони бахши хусусӣ ва афроди некӯкор ваъда додааст, ки дар сурати сохти манзили истиқомативу иншооти дигарро сохта, бепул (ройгон) дар ихтиёри давлат ё истифодаи умум бигузоранд, барои онон осонии андоз дода хоҳад шуд.

Манобеи вазорати ҳамлу нақли Русия аз идомаи гуфтугуҳои ҳайатҳои идороти ҳавопаймоии кишварии ин ҷумҳурӣ ва Тоҷикистон, барои поён додан ба ихтилофоти парвозӣ дар Маскав, дар рӯзи душанбе 10 апрели соли ҷорӣ хабар додаанд.

Баррасии муҳимтарин таҳаввулоти ҳафтагии Тоҷикистон

Вазирони умури хориҷаи Тоҷикистону Қирғизистон дар ҳошияи нишасти вузарои умури хориҷаи кишварҳои узви ҷомеаи ҳамсуд дар Тошканд дидор ва мавзӯи равобити дуҷонибаро мавриди баррасӣ қарор доданд.

Додгоҳи ноҳияи Басманнаи шаҳри Маскав ҳукми боздошти як шаҳрванди 39 солаи Тоҷикистонро ба иттиҳоми даст доштан дар ҳодисаи инфиҷори террористӣ дар метрои шаҳри Санкт-Петербург содир кард.

Коршиносони Бонки рушди Осиё дар тозатарин гузориши ин ниҳоди молӣ, коҳиши рушди иқтисодии Тоҷикистон, дар соли ҷориро ба далоили мухталиф пешбинӣ кардаанд.

Бонки осиёии рушд дар тозатарин гузориши хеш аз коҳиши суръати рушди иқтисоди Тоҷикистон дар соли ҷорӣ хабар додааст.

Ба гузориши сайти Палатаи савдо ва саноати Тоҷикистон, дар ҳамоиши маҳофили бозаргонии Тоҷикистон ва Қазоқистон, ки интизор меравад 20-уми апрел дар шаҳри Душанбе баргузор шавад, раисон ва намояндагони наздик ба 40 ширкат ва корхонаҳои мухталифи тавлидӣ ва саноатии Қазоқистон ширкат мекунанд.

Нашрияи бритониёии “The Independent” нақшаи адабии ҷаҳонро мунташир кард, ки дар он 197 кишвар аз саросари дунё, аз ҷумла Тоҷикистон шомил шудааст.

Тоҷикистон дар миёни кишварҳои узви Ҷомеаи ҳамсуд аз нигоҳи рушди ҷамъият дар мақоми нахуст қарор дорад ва дар мавриди дурнамои ин мавзӯъ ва паёмадҳои он, коршиносон дидгоҳҳои мутафовите ироа мекунанд.

Маҷлиси намояндагони Тоҷикистон бо ислоҳи Қонуни танзими ҷашну маросимҳо дар ин кишвар бар зарурати мурооти ин қонун, ки 10 соли қабл ба манзури сарфаҷуии манобеи молӣ ва коҳиши ҳазинаи хонаводаҳо тасвиб шуда буд, таъкид кард.

Маҷлиси намояндагони Тоҷикистон фаъолияти шаҳрвандони дорои мақоми ду тобеиятӣ дар Хадамоти гумрук ва Палатаи ҳисоби ин кишварро мамнуъ кард, ки манзур тобеияти русии ин афрод мебошад.

Коршиноси руси масоили ҳамлу нақл бар зарурати нармиши Русия дар баҳси парвозҳо бо Тоҷикистон таъкид кард.

Хайруддини Қосимӣ: Дар ду ҳафтаи ахир қимати доллар дар марокизи молӣ ва бонкӣ дар Тоҷикистон ба шиддат боло рафт, ки ин масъала нигаронии шадиди фаъолони бахши хусусӣ ва бозаргононро дар пай доштааст.

Консули собиқи Тоҷикистон дар шаҳри Санкт-Петербурги Русия гуфтааст, ки мошини дипломатӣ қаблан ба ӯ тааллуқ дошта, барои интиқоли меҳмонони маҳфили наврӯзӣ дар ихтиёри Асрор Сафоев, намояндаи Палатаи савдо ва саноати ин кишвар қарор дошт.

Касе, ки баъди тирпарронии шоми 31 март мехост бо мошини дипломатии мутааллиқ ба собиқ консули ифтихории Тоҷикистон дар шаҳри Санкт-Петербург фирор кунад, Асрор С. ном дошта, боздошт шудааст.

Дар нишасти рӯзи ҷумъаи аъзои Ҳукумати Тоҷикистон дар Кохи Миллати шаҳри Душанбе ба раёсати Эмомалӣ Раҳмон, раисҷумҳури ин кишвар мавзӯоти марбут ба рушди иқтисодию иҷтимоӣ ва афзоиши саҳми занон дар бахши мудирияти ҳукумат мавриди баррасӣ қарор гирифт.

Намояндаи Додситонии кулли Тоҷикистон аз кишварҳои узви СПАД даъват кард, ки Ҳизби мамнӯи наҳзати исломӣ ва “Гурӯҳи 24”-ро ба рӯйхати ташкилотҳои ифротию тераристӣ шомил кунанд.

Вазорати дифои Русия мегӯяд, нирӯҳои ин кишвар дар ҷараёни машқҳои муштарак дар Тоҷикистон бори аввал комплексҳои нави ҷосусиву мухобиротии "Стрелетс” ва "Стрелетс-М” ва афзори низомии "Ратник”-ро озмоиш карданд.

Намоишгоҳи маҳсулоти саноатии Узбакистон тайи рӯзҳои 17-21 апрели соли ҷорӣ дар маркази тиҷории мавсум ба "Пойтахт-90", дар шаҳри Душанбе баргузор мешавад.