Bokuədə İron, Russiyə, Azərbaycan Respublika və Belarusi osınə ro rəsmi şəxson 4 tərəfiyə iclos.

Bokuədə ijən bo şimal-cənub ğətariyə xəti dəhlizi komil kardero muzakirə xoto İron, Azərbaycan Respublika, Russiyə və Belarusi osınəro rəsmi şəxson qıləy 2 rujiyə 4 tərəfiyə iclosi dəvoniyəşone ta ım muhimmə dəhlizi komil karde ijən çı ğərbiyə ro prossesi barde suhbət bıkən.

Bə İrna raporti əsos həminə iclosədə məhsul və boon nəğliyati həmohənq karde ijən şimal-cənub dəhlizi ğərbiyə ro tranzitiyə zərfiyəti ziyod karde barde suhbət be.

İronıjə heyət de İroni osınə ro şirkəti qıləy rəsmi şəxs Husein Aşuri rəisəti çı Boku iclosədə İroniku bə Azərbaycan və Russiyə boon vığande ijən mıvcudə zərfiyəton barde raportış do.

İjən boon tranzit əkə şirkəton və kəmpaniyaon miyono iclosi həmohənq karde və çoknə Hindostan, Fars Dıyo, İron, Azərbaycan, Russiyə, Belarusiku bə Avropa məhsulon vırə bə vırə karde barde həm muzakirə be.

Zinə ruj de iclosi i minə ruji bə oxo rəsə, çand qılə sənəd və həmkari mığoviləon çı şimal-cənub dehlizi çərçivədə 4 qılə kişvəri miyono imzo bıə.