Qurcıstani navnə prezident bə 3 sor həbs məhkum be.
Teflis şəhri məhkəmə Qurcıstani navnə prezident Mixail Sakaşvili ğiyabi sorətədə mıhokimə və bə 3 sor həbs məhkumış kardə.
Bə İrna raporti əsos Teflis şəhri ğazi Qeorqi Aroadze Sakaşviliş çı Teflis şəhri banki qıləy koəkə ğətli barədə qınohkor və əvış bə 3 sor həbs məhkum kardə və hol ım ki Sakaşvili ısət Ukraynədəy və həminə hıkmi bə beynəl xalğ ğanuni zidd hisobış kardə.
Miladi 2006ədə Teflis şəhri qıləy bankonədə koəkə Sandro Qirqoliyani çı Sakaşvili prezidenti dıvrədə kıştə bəy əmmo əv çı əff dıvlətiyə kamissiya nəzəri əks ım şəxsi ğatilon əffış kardə.
Həminə macəraədə çandə çı Qurcıstani kişvəri vəzarətxanə məmuron qınokor elan bıən əmmo bəşər həxon mudafiə əkə qrupon ım ğətli cərəyonədə hejo dıvləti ali rəsmion rol və nıfuziku sıxən vottən.
