Ermənistoni Respublika tələbə partiya məhv bey astanədəy.
Ermənistoni Respublika tələbə partiya uzvon kalektivi istifo doe bəpeştə ısət ım partiya qırd məhv bey holədəy.
Bə Təsnim aqentiyəti raporti əsos de Serj Serkisiyani rəhbərəti bıə Ermənistoni Respublika tələbə partiya i dastə uzvon ım kişvəri navnə i minə vəzir Karen Karaptiyani bə kəno şe bəpeştə zinə ıştə istifodə məktobi bə ım partiya rəison heyət edaştəşone.
Ermənistoni Respublika tələbə partiya i minə muavin Karen Karaptiyan ki ımsornə sori i yonə manqi ım partiyaku xaric be ıştə ım hərəkəti illəti patiya vəzyəti çok nıbey, Serj Serkisiyan və partiyadə bəzi uzvon elanış karde.
Ermənistoni Respublika tələbə partiya ki dəvardə sori parlemant səçınədə bə səbarzəti rəsəş be, ımsornə sori Dekabri parlemant səçınədə fəğət bə 5 faiz nezi sədoon kəsbış karde.
Ermənistonədə fəsod və be ədolətion bois be ki nakonə dıvlət istifo bıdə iyən peşo Nikol Paşiniyan və çəy tərəfdoron ım kişvərədə dıvlət iyən parlemanti sohib bıbun.
