Pars Today

Azərbaycon Respublika İslam partiya, çın kişvəri qonə cinoyəton məhkəmədə bo Mısılmonon İbemon Hərəkati lider iyən 16 nəfər co şiyə fəalon dırozə həbs hukmon tələb karde, vey nohəx və deşmənçiyə ğərol zınəş be.

Azərbaycon Respublika İslam partiya ıştə bəyaniyədə bə 2015 sori Noyabri 26-nə rujədə bıə Nardarani hadisə işarəş kardə və elamış kardə ki, ım hadisə ki çan nəfəri keşte iyən zəxmin bey boys be,deşmınonış xoşhalış kardə.

Bəyaniyədə ğeyd be: İslam partiya çı məhkəməku bo şahrvandonro insoniyə rəftori və ğanuni icra karde pidəşe.

Çı Boku qonə cinoyəton məhkəmə prokuror, dekabri 27ədə bo Haci Tale Baqırzadə əbədiyə həbs ijən bo 16 nəfər çı nardarani hadisə co əlağədaronro 10 tosə 20 sor həbs tələbış kardə.

2015 sori Noyabri 26-nə rujədə çı Azərbaycon Respublika məxsusə polis ğıvvon, bə Nardarani ğəsəbə qıləy məçid(çı Bibi Rəhimə-s-hərəmi nezi) hucomışon kardə ki qullə ğande nəticəku çand nəfər şıəyon şəhid bən.

Im hadisədə Haci Tale Baqırzadə ijən çand nəfər çın ğəsəbə dindaron həm dəstqir bən.

Bə rəsə xəbon əsosi, 87 nəfər çın hadisə əloğədaron dəstqir bıə bən ki bə 70 nəfər nezi məhbuson muhakimə bəpeştə bəvon 1 tusə 7 sor həbsi cəzo doəşone.

Əmmo çı Haci Tale Baqırzadə iyən 16 nəfər co dindaron iyən şıə məhbus bıə fəalon məhkəmə hələ dəvomış heste.

Boku hukumət bəvon nodırıstə bohtonon jəşe və de zu iyən işkəncə çəvonku duyə eterafon se pidəşe.