Prezident Əliyevi votəyon real vəziyyəti əks kardedəni.
Az.R Prezident İlham Əliyev de respublika tojə Sər prokuror Kamran Əliyevi video rabitədə votışe ki, “natə era bə orəx rəsedə. Çəmə əsasə hədəf ğeyri-natə sektori inkişaf kardovnieye.
Az.R Prezident İlham Əliyev de respublika tojə Sər prokuror Kamran Əliyevi video rabitədə votışe ki, “natə era bə orəx rəsedə. Çəmə əsasə hədəf ğeyri-natə sektori inkişaf kardovnieye. Bı istiğamətədə çəmə bardə iğtisadi islahaton nəticədə , diə məkəmon ki, koronavirusə pandemiya bı imi mane bıe, ımsori iminə kvartalədə məmləkəti iğtisadiyyat 1%-sən vey ziyod bıə. Ğeyri – natə sektori inkişaf isə hətto 3% -i dəvardə. De korrupsiya və rışvəxorəti mubarizəən xeyli aktiv bardəmone. Çand qılə rayonon icra hakimiyyəti sərdaron bə ım çinayətə əməlon səbəbi dastqir kardə bıən”. Prezidenti həmən ğeyd kardışe ki, məmləkətədə hiç kəs bəpe bəştə siyasiə nəzəron səbəbi təğib kardə nıbo.
Əmo analitikon bə Əliyevi votəyon nikbin diə kardedənin. İğtisadşunas Nemət Əliyev votedə ki, keşvəri iğtisadiyyatədə tənəzzul çəşə vədəy. Nati məzənnə erjon bıe Azərbaycani xarici ticarətədə bə ponə sori nisbətədə ğəzənc kardə valyuta 96% kam kardəşe. Imən çe məmləkəti iştisadiyyati xeyli hissə çe nat həvateku jidasti bıe ehtiva kardedə.
Co qıley təhlilqər Qubad İbadoğlu “Azadlıq.info”saytədə nıvıştedə ki, orəxnə 5 manqədə 5 qılə icra sərdari dastqir karde de korrupsiya həğiğiə mubarizəsə vey, ım mubarizə imitasiya xarakteri bə nəzər vardedə. Çunki diqər jıqo vəzifədaron ıştə ım curə cinayətə əmlonku nəinki okıridənin, əksinə de amoxti ey dəvom kardedən. Həmən bə cəmiyyəti çok məlume ki, Əliyevi hokuməti həmə irearxiya məmuron bə jıqo cinayətə əməlon mubaşirin, de har manqi i nəfəri bə zindon dənoe roy rışvəxorəti və korrupsiya rişə pesındınie mumkun nibəbe. Diqər analitikonən yek fikir jıqoe ki, məmuron restədə cinayətə hərəkəton vəy se ro bəpe de devləti strukturonədə əsasinə islahaton barde roy mevcud sistemi əvəz bıke. Məsələn , Qubadoğlu İcra hakimiyyəti təsisati tamam ləğv karde, rayononədə usuli – idarə bə bələdiyyon sərəncom doe, əvoniən xalqi tərəfo de sofə səcınion roy vıjnie təklif kardedə.
