Əliyev ijən Minsk qrupi tənğidış karde.

Azərbaycan Respublika prezident Ğərəboği behroni həlli barədə ijən Minsk qrupi fəaliyəton tənğidış karde.

Bə İrna raporti əsos, İlham Əliyev ıştə mısahibədə bo Ğərəboği behroni həl kardero Minsk qrupi ociz və be zu bə hisobış varde və votışe: ım qrup boçi bə bənə Paşiniyani tojə bəyaniyə reaksiya nışo doe pidəş ni? Və hol ım ki Ermənistoni i minə vəzir Ğərəboği ıştə zəmin bə hisob vardedə.

İlham Əliyev bə Ğərəboği behrani muzakirəon be hərəkət mande işorə və təkidış karde: Minsk qrupi tərəfo dəvoniyə bıə icloson əcumlə tojədən 2 qılə kişvəri xarıci vəziron internet video iclos qıləy nımayeşi hərəkət be; çən tosə bə zəmon ki ciddi və foydəinə muzakirəon əncom nıbu Boku həm co iclosonədə iştirok nibəkarde.

Azərbaycan Respublika prezident eyn holədə votışe: Ğərəboği barədə çəmə nəzə bə tarixi edalət və baynəl xalğ ğanuni əsose və harcurnə hələkə roon bəpe çəmə həxi çərçivədə bıbu boçi ki əmə ıştə zəminədə Erməni dıvləti icod bey tov varde əzı nimon.