Ğərəboğədə Suriyə canqi muzduri qətey barədə Ermənistoni iddio.

Ermənistoni mudafiyə vəzarətxonə de qıləy filmi muntəşir karde vositə iddio kardeydə ki Ğərəboğədə Suriyə canqi muzduronku qıləyni ki de Erməni əsqəron canq karde holədə be dastqir bıə.

Bə Təsnim aqentiyəti raporti əsos, Ermənistoni mudafiyə vəzarətxonə ım silohinə qətə muzduri numi Mehrad Muhəmməd Əl-Şəxər elanış karde ki Suriyə şahrvandətiş heste.

Ermənistoni mudafiyə vəzarətxonə iddio kardedə ki ım şəxs eterofş kardə ki Oktiyabri 19 de 250 qılə co terroçion bə ico tyən de 2000 dollar məvacebi vəədə Tırkiyəku bə Ğərəboğ omə iyən ısət zəxmin bey bəpeşt çəy həmrəzmon əy tərk kardəşone.

Im dastqir bıə muzdur həmçenin eterofış kardə ki bə Ğərəboğ omey bənav Tırkiyə hərbi təlimon vositə Ğərəboği canqiro hozzı bıə.

Çimi bənav, Ermənistoni i minnə vəzir, Nikol Paşiniyan həm votəş be ki ısət bo dınyo oşko bıə ki Azərbaycan Respublika və Tlrkiyə hərbiçion kənoədə terrorçion həm bə çəmə əleyh canq kardeydən.

Ğərəboği barədə Azərbaycon Respublika iyən Ermənistoni miyono tojə dıvrə daveon Sentiyabrə manqi 27 ku bino be iyən həmçenan dəvom kardeydə.