İlham Əliyev: Ğərəboği ovdon kardeyro dustə kişvəronku komək bəqətemon.
Azərbaycan Respublika prezident dustə kişvəronku tələbış karde ta Ğərəboği məntəğə ozod bıə sərzəminon obdon kardeyro fəaal və mısbət işterak kon.
Bə İrna raporti əsos, İlham Əliyev MDE təşkilati uzv bıə kişvəron virtual və onlayn iclosi cərəyonədə əlovəş karde: Ğərəboği tojə ozod bıə ərazi obdon kardeyro Boku həmməy mənbəon iyən budcəon təmin bəkarde.
İlham Əliyev iclosi dəvomədə əlovəş karde: tosə bə ısət çand qılə muğavilə və həmkari saziş Ğərəboğədə obdonəkə poryekton royədə dəbastə bey xususi roon və çandə muhimmə loihəon barədə.
ərəboğədə Azərbaycon Respublika iyən Ermənistoni miyono tojə dıvrə daveon Sentiyabrə manqi 27 ku bino bıə be ki oxoy sə Rusiyə, Azərbaycan Respublika iyən Erməniston Noyabri 10 ım dıvrə canqi səkardeyro qıləy mıştərək sazışi imzo kardışone.
Həminə sazişədə sıvoy canqi sə karde, bə humanitar məsələon iyən əsiron və cənazəon vırə bə vırə kardey təkid bıə iyan ğeyd be ki Rusiyə sulhmərominə ğıvvon təmas və dave xəttədə sulhi təmin bəkan.
Ğeyd kardənine ki Ğərəboği muxtəlif baxşon əmniyəti təmin karde tosə 5 sor bə Rusiyə sulhbanon qi haştə bəy, peşo bəzi məntəğəon tale barədə ğərolon təin bəbe.
