Bə Fələstin işğali ərazi tərəf Azərbaycan Respublikaku təyyorəon pəre miğdor ziyod bəbe.
Azərbaycan Respublika dıvlət avyasiya təşkilat(AZAL) bə Fələstin işğali əraziədə bıə Telavivi airporti ıştə təyyorəon pəre miğdori əlovə bəkarde.
Bə Riport sayti raporti əsos, ımrujnə rujiku bə Telaviv təyyorəon pəre bino bıə iyən iyoni 22-ə rujiku həm har haftə 5şanbə rujonku həm bə Fələstin işğali ərazi çı AZAL şirkəti təyyorəon pəre qədə-qədə bə təğvimi əlovə bəbe.
Bə Azərbaycan Respublika dıvlət heyəti ğəroli əsos, sioniston karde bəznın de Korona vaksinasiya icozə ya xot Koronavirusi çok bey şərti bə Azərbaycan Respublika səfər kon.
Qıle holədə ki Azərbaycan Respublika millət və muxtəlif şəxsiyəton vey kərə Boku-Telavivi əloğəon nığıl bey barədə ıştə norohətəti və eterozi elan kardəşone əmmo İlham Əliyevi dıvlət muxtəlif sahəon xususi hərbi və əmniyət baxşonədə de sionist rejimi ıştə əloğəonış bə inkişofi tərəf bardə.
