Azərbaycan Respublika president bı rujonədə bə İron səfər bəkay.
Tehronədə bıə Azərbaycan Respublika səfir bı nezə rujonədə ıştə məmləkəti president İlham Əliyevi bə İron səfər kardeku xəbəş do.
İronədə bıə Azərbaycan Respublika səfir Bonyad Həsənov zinə ironi islamiyə şura məclisədə bıə milli əmniyyət və xariciyə siyasəton kamisiya rəis Əlaəddin Burucerdi vindımonədə votışe: Azərbaycan Respublika həmmişə de iron siyasi ixtisadi ticari iyən 2 tərəfə əlağon inkişafiku tərəfdarətiş kardə.
Bonyad Həsənov 2016 minnə sori bə İron və Azərbaycan Respublika ticariyə fəaliyyəton 45 faizə inkişafi işarəş kardə və ıştə sıxanon dəvomədə əlavəş kardə 2 qılə məmləkəti ixtisadi ticari həmkarətion bəpe parlamenti iyən siyasi çokə əlağon bərobəri inkişaf bıkə.
ironədə bıə Azərbaycan Respublika səfir həmçinin votışe: azəriyə şəhrvandon bə İron səfər kardeyu bə viza ehtiyacişon ni və tojə miladiyə sorədə bə Azərbaycan Respublika səfər kardeyu ironıjə şəhrvandonru elektrik viza təşkil bəbe.
