İlham Əliyev ironi islamiyə inğilabi səbarzəti sorqardımoni mınosibətiku təbrikış vote.

Azərbaycan Respublika president zinə bə İron İslam Respublika president Həsən Ruhani vığandə mesajədə islami əzəmətinə inğilabi səbarzəti sorqardımoni mınosibətiku bə ironi devlət və millət təbrikış vote.

Bə İRNA xəbon əsosi İlham Əliyev ım mesajədə ironi dust iyən bıvə millətiyu sulh və firavanəti tələbış karde və votışe: Azərbaycan Respublika və İron İslam Respublika əlağə bə 2 qılə məmləkəti milləti iradə əsose ki tarixədə dustiyəti və çokə hamsuyətiədə iyən bə mənəviyə mıştərəkə faydon iyən erjon əsosi bərpo bə.

Azərbaycan Respublika president əlavəş karde yəğinış heste Azərbaycan Respublika və İron İslam Respublika 2 qılə məmləkəti əlağon inkişafiyu ve mısbətə həmkarətion dəvom doeyu beynəlxalğ iyən məntəğədə bə təşkilaton çərçivədə həmçinan ıştə mıştərəkə fəaliyyəton dəvom bədon.