İrəvani şiddətinə muxalifəton jintonədə Boku ijən bə Zənqəzur nomo pesoxtə bıə karidori soxte isror kardedə.
Azərbaycan Respublika prezident ijən de ərazi iddio bəyon karde votışe ki Zənqəzur karidor çı məntəğə sulh və stabileti əsosiyə prinsipe.
Nikol paşiniyan tojədən votışe: Boku hukumət bə Ermənistoni ərazion daimə təcavuz siyasətış pidə ki ın məsələ bəpe beynəlxalğ səthədə təğib bıbu.
Ermənistoni iminnə vəzir çı İlham Əliyevi tərəfo sənibəton iddio barədə əlovəş karde: Zənqəzuri karidor çiçe? ın koncuku omə? Şərği Zənqəzuri məno çiye? ki həminə sıxanon pesoxtəşe?
Paşiniyan ijən təkidış karde ki Erməniston hiç faxt çı Azərbaycan Respublika tərəfo jığonə pesoxtə qəpon ğəbul nibəkarde əmmo məntəğədə nəğliyoti zəminə icod kardero hozzomon.
Ermənistoni iminnə vəzir dəvomış do: Azərbaycan Respublika rəsmi şəxson tərəfo Zənqəzur nomo pesoxtə bıə karidori barədə iddio bə çəy xoto bəyon bıdə ta reqional tranzitədə problem eğando.
Zinə və Boku nomo beynəlxalğ icma iclosi çərçivədə Azərbaycan Respublika prezident ijən de ərazi iddio bəyon karde votışe ki Zənqəzur karidor çı məntəğə sulh və stabileti əsosiyə prinsipe.
Miladi 2020 minnə sori Oktiyabrə manqədə Azərbaycan Respublika vey hevuj iyən həmmə tərəfinə əməliyati bo Ğərəboği məntəğəku Ermənion xaric karde və işğal bıə ərazi ozodəti xoto bino kardışone.
Azərbaycan Respublika 44 ruj canqi bəpeşt muvəffəğ bıə təğribən 3500 kilomiter çı Ğərəboği ərazi əcumlə 132 kilomiter çı İroni sərhəd nezi məntəğon ozod bıkə.
