Akar bə de PKK qrupi mubarizə barde təkidış kardə.

Tırkiyə mudafiyə vəzorətxonə bə de PKK qrupi mubarizə bardey dəvomi çərçivədə İrağ iyən Suriyədə ğeyri ğanuni əməliyaton dəvomi təkidış kardə.

Tırkiyə ərtış, de terrorizm mubarizə bardey bəhonə, İrağ və Suriyə kişvəronədə, hərbi əməliyaton iyən işğalçiyəti hərəkəton əncom doey holədəy, ki de 2 qılə kişvəri millət iyən dıvləton şiddətinə mıxulifəton və məhkumiyəton dim bə dim bıə, əmmo Ankara həmçınin bə ım ğəyre ğanuniyə hərəkətonış idoməş dodə.

Bə Tele-Rədio aqentiyəti raporti əsos, tojədən Xolosi Akar İraği marzi Dağlica məntəğədə, sərhəddi hərbion baza vindemoni bəpeşt, bə İrağ şimolədə, Tırkiyə əməliyaton işorəş karde iyən votışe: (Pencə Klid) nomo əməliyotədə 277 nəfər Tırkiyə Kırdıstoni koəkəyon qrupon uzvon (P.K.K) kıştə bıən.

Tırkiyə milliyə mudafiə vəzir, votışe: tosə P.K.K qrup məhv kardey, və həmmə marzon əmniyyət icod kardey, de ım qrup mubarizə bardey dəvom bədamon.

Akar ijən əlovəş do: Miladi ım sornə soriku tosə bə ısət, İraği Şimol iyən Suriyədə 1 həzo 999 PKK uzvon kıştə bıən.