İrağədə ğəyri ğanuni hərbi hərəkətiku Tırkiyə oxonə raport

İrağədə Tırkiyə hərbion ğəyre ğanuniyə hərəkəton dəvomədə, Ankara, qıləy raporti ğolibədə, Tırkiyə Kırdıstoni koəkəyon partiya uzvon(PKK) mıttəhəmış karde ki ım kişvəri şimolədə, peydo bıə silohon soybin.

Çand minnə kərə bəbe ki İrağ bə Tırkiyə şimol ərtışi hərbi həmləon etırozış kardə bə, ım həmləon bə ğəyre hərbion kıştə bey bois bəbe. de ım vıcud ki İ Bıə Milləton Təşkilati əmniyyətiyə şura səmtiku ım ğəyre ğanuniyə həmləon məhkum bıə, əmmol həmçınan İraği şimolədə, Tırkiyə ərtışi hərbi hərəkəton dəvomışe.

Zinə Anatoli aqentiyəti bə Tırkiyə mudafiə vəzarəti nəğli əsos, İraği şimolədə veyə siloh peydo bıə və PKK qrup ım silohon soyb elan bıən.

Tırkiyə mudafiə vəzarət bəyoniyədə omə ki ım silohon de Tırkiyə silohinə hərbion vositə və İraği şimolədə Penc-kelid nom bıə əməliyati çərçivədə peydo bıən.

De Tırkiyə ərtışi vositə, peydo bıə silahon, əcumlə dasti pulemyot, nimə dasti pulemyot, min iyən Arpiçi şomilin.

İyolə manqi 20 minnə rujədə, bə İraği Dəhok ostani Tırkiyə ərtışi həvoiyə həmlə əsos, 9 ğəyre hərbi kıştə iyən 23 nəfər həm əcumlə hırdənon zəxmin bin. de ım vıcud ki bə ım hərəkəti xoto, Tırkiyə məhkum bıə, əmmo ım kişvəri prezident, Rəcəb Təyyeb Ərdoğan, PKK qrup ım həmləon iyən İraği ğəyre hərbion ğətliami məsul elanış kardə.