Texnoloqiya istehsol baxşədə, İron karde bəzne bə Rusiyə komək ko.
İron İslam Respublika Kəşfiyot texnoloqiya iyən kommiyonikasiya vəzarətxonə ostanon, parlament iyən dıvləti koon muavin təkidış karde: sanksiyaon vədə, bə İroni veyə nakonə illəti xoto, bumi texnoloqiya istehsol baxşi istehsolədə, İron karde bəzne bə Rusiyə komək ko.
Çımiku bənav, İron İslam Respublika Kəşfiyot texnoloqiya iyən kommiyonikasiya vəzir, İsa Zarepur bə Moskva səfərış kardə be və ıştə səfərədə de Rusiyə mediyaon və kəşfiyot texnoloqiya, kommiyonikasiyə stratejikə milli mərkəzi rəsmi şəxson vindemon iyən de Rusiyə mediyaon və aqentiyətion votımonış kardə be.
İron İslam Respublika Kəşfiyot texnoloqiya iyən kommiyonikasiya vəzarətxonə ostanon, parlament iyən dıvləti koon muavin votışe: Belakçeyn iyən Sırrinə valutaon texnoloqiya karde bəzne sanksiya bıə kişvəronro vey əməli bıbu.
Bə İRİB raporti əsos, İron İslam Respublika Kəşfiyot texnoloqiya iyən kommiyonikasiya vəzarətxonə ostanon, parlament iyən dıvləti koon muavin, Rıza Bağıri Əsl ijən əlovəş do: sanksiyaon şəroyetədə, Sırrinə valutaon texnoloqiya vey əməli hestin.
Bağıri əsl ıştə sıxənon dəvomədə votışe: İron, Rusiyə, Tırkiyə və co kişvəron bəpe kiberi diplomatiya vədə ki Amerkə dıvlət çəy icodış karde, muğavimət kon.
İron İslam Respublika Kəşfiyot texnoloqiya iyən kommiyonikasiya vəzarətxonə ostanon, parlament iyən dıvləti koon muavin ijən votışe: kiberi diplomatiya iyən kiberi dıvlətiro, Amerkə metodi vədə bəpe İron, Rusiyə və Tırkiyə miyono diplomatiya ittifoğ icod bıbu ta kiberi zərfiyətonku istifodə bıbu.
