Bə İraği Sincar məntəğə Tırkiyə dronon həmlə

Tırkiyə ərtışi hərbiçion de droni istifodə kardey vositə, İraği Neynəvo ostani ğərb Sincar məntəğədə bə qıləy maşini həmləoşon kardə.

Bə İraği rəsmi şəxson çand kərə doə notaon diğğət nıkardey, de PKK nomo bıə terroristə amilon mubarizə bardey bəhonə Tırkiyə həmləon bə İraği şimol həmçınan dəvomışe.

Bə İsna aqentiyəti raporti əsos, Dəvardə şəv Tırkiyə dronon həmlə bə İraği Neynəvo ostani ğərb Sincar məntəğə dumoədə, 2 nəfər kışte və 2 nəfər həm bevəc surəti zəxmin bıən.

İraği Neynəvo ostani ğərbədə Sincar şəhrıston həmişə de ırkiyə həvoiyə həmləon dim bə dim mandəy.

Aprilə manqi 18 minnə rujiku (təğribən 70 ruji bənav) bə İraği şimol məntəğə tojə həmləon dıvrə bino bıə, Tırkiyə ım həmləon hədəfi çı (PKK) uzvon təğib iyən məhv kardey elanış kardə.

Bəğdad dıvlət, çı Tırkiyə həmləon bə İraği sərzəmini təcavuz zıneydə və tələbış karde ki ın kişvəri hərbiçion İraği şimol kişvəriku xarıc bıbun.