İron və Azərbaycan Respublika miyono mutəşəkil cəzoon vəy qətey komitə icod bey təklif.

İroni həmmə nəzorətəkə Təşkilati canışin tələbış karde ki İron və Azərbaycan Respublika miyono mutəşəkil və beynəlxalğə cəzoon vəy qəteyro, qıləy mıştərəkə kumitə icod bıbu.

Bə İrna raporti əsos, Bokuədə, İroni həmmə nəzorətəkə Təşkilati Canışin de Azərbaycan Respublika məhkəmə vəziri muavin vindemonədə muxtəlifə baxşonədə bənə siyasi, ticari, iğtisodi və mədəniyət baxşədə bə 2 qılə kişvəron hevujə rabitəon işorəş karde iyən votışe: de fəsod muğabilə kardey iyən vəy qətey barədə, İron məxsusə həssosiyəti soybe.

Rəhmaniyan ijən bə de fəsod mubarizə kardey mıvzo işorəş karde iyən votışe: fəsodi mıvzo beynəlxalğə mıvzoe iyən həğiğətədə bə qıləy  kişvər məxsus ni, de fəsod muğabilə kardey iyən vəy qətey barədə, İron məxsusə həssosiyət soybe və de fəsod mubarizə bardey rəsmi şəxson beynəlxalğə onemoni iclosonədə, İroni nəzorətəkə təşkilat, veyə əktivə iştirokış be iyən heste.

İroni həmmə nəzorətəkə Təşkilati Canışin bə İron iyən Azərbaycan Respublika nezə rabitəon işorəş karde iyən bəyonış karde: İron və Azərbaycan Respublika mhkəmə təşkilat bə yande mandən, ijən təklifış do: beynəlxalğ və mutəşəkil bıə cəzoon vəy qəteyro mıştərəkə kumitə icod bıbu.

Azərbaycan Respublika  məhkəmə vəziri muavin, Cəfərev həm bə Boku-Tehroni nezə rabitəon təkidış karde iyən mutəşəkil bıə fəsodon və de fəsod mubarizə bardey baxşonədə, təxəssusi icloson bərpo beyro, Azərbaycan Respublika iyən İroni miyono çokə həmkoətionku ıştə rizoyəti elanış kardə.