Azərbaycan Respublika kişvəri xarıci vəzarətxonə, Şirazi şəhrədə bə Həzrəte Əhməd İbne Musa(ə)-i pokə hərəmi zayiron terroristiyə həmlə ki de DAEŞ terroristiyə qrupi tərəfo icod bıə məhkumış karde.

Zinə, Azərtac nomo bıə aqentiyəti Azərbaycan Respublika xarıci vəzarətxonə tərəfo, de qıləy bəyoniyə muntəşir kardey vositə, Şirazi Şahçirağ Həzrəte Əhməd İbne Musa(ə)-i pokə hərəmi zayiron ke DAEŞ terroristiyə qrupi tərəfo əncom bıə, məhkumış kardə.

Azərbaycan Respublika xarıci vəzarətxonə bəyoniyədə omə: əmə çı Şirazi Şahçiraği pokə hərəmədə, terroristiyə həmlə məhkum kardedəmon iyən ıştə dıliku, bə ım hodisə ğıbon bıə kəson ailəon təsliyət voteydəmon, və zəxmin bıə kəsonro şifo tələb kardedəmon.

Im vəzarətxonə ıştə Tvitteri səhifədə nıvıştəşe: Azərbaycan Respublika bənə qıləy kişvər ki de terrorizm dim bə dim bıə, de şiddəti harcurnə terrori har vırədə ki bıbu məhkum kardedə.

4şənbə Oktiyabri 26 minnə ruji məğrib zəmonədə qıləy təkfiri-vəhhobi terrorçi çı İŞİD terroristi qrupiku uzv İronio Şirazədə bıə Həzrəte Əhməd İbne Musa(ə)-i pokə hərəmədə silohinə terroristi həmlə əncomış do, həminə terroristi hucumədə 15 nəfər əcumlə 2 qılə hırdən şəhid bin.

Bə oxonə xəbonəsos, həminə həmlədə 27 nəfər zair həm zəxmin bıən.

In terroristi həmlə ki DAEŞ rəsmən çəy icra məsuliyəti ğəbulış kardə de ibıə milləton təşkilot və məntəğə vey kişvəron məhkumiyəti dim bə dim be.