Ərdoğan: de Suriyə rabitəon normal kardey diyəro ni.

Tırkiyə prezident Ankara iyən ğahirə rabitəon çok kardeyro bə iminnə ğədəmon işorə iyən Tırkiyə və Suriyə rabitəon normal kardey ehtımoliku sıhbətış kardə.

Ərdoğani həminə sıxənon qıləy şəroyetədə bəyon bıə ki toj'd'n, Tırkiyə ərtış bə Suriyə şimoli məntəğəon ıştə artileriya iyən həvoiyə həmləon şiddəti əlovəş do.

Tırkiyə prezident ijən votışe: çəy kişvər bə Suriyə zəmini əməliyoti icro bey ıştə koədə ğərorış do.

Bə Fars aqentiyəti raporti əsos, Tırkiyə prezident Rəcəb Təyyeb Ərdoğan de Suriyə dıvləti rabitəon normal kardey ehtımoli bəyonış karde iyən votışe: ım məsələ vey diyəro ni.

Ərdoğan ijən təkidış karde ki ımkonış heste ki vəomey mərhələdə, Suriyə barədə, həmmə məsələon bə normal vəziyəti oqarde jəqo ki Mısri barədə ım məsələ icod bıə.

Tırkiyə prezident ijən işorəş karde: siyosətədə hiç qılə daimə deşmon mucud ni və vəziron səthədə, de Ğahirə muzakirəon dəvom bədomon iyən peşo de Misri prezident vindemon bəkardemon, əv ijən votışe: Əlsisi vindemonədə vəziron səthədə 2 qılə kişvəron miyono bə muzakirəon dəvomi təvafuğ kardəmone.