İlham Əliyevi təbrik bə Netantyahu
Azərbaycan Respublika prezident İlham Əliyev sionist rejimi iminnə vəzir Benyamin Netanyahuro təbrikə mesaj vığandə.
Azərbaycan Respublika prezidenti həminə təbrikə mesaj qıləy holədə bəyon bıə ki ım kişvəri mısılmonə millət həmçınan de Telaviv Boku həmkoətion muxalifin və həmişə sionist rejimi cinoyəton və işğolçiyətion vədə, Fələstini millətiku himoyə kardedən.
Zinə Pencşəmbə sionist rejimi parlament bə Benyamin Netanyahu kabinet sədoş do iyən bə həminə əsos, əv 3minnə kərəro və rəsmi surətədə ım rejimi iminnə vəzir bıə.
Netanyahu kabinet, sionist rejimi işğolçiyə kabineti 37minnə kabinet bə hisob omeydə və votey bəbe ki Benyamin Netanyahu sionist rejimi torixi kabineti vey ifrotiyə kabineti icodış kardə.
Bə Təsnim aqentiyəti raporti əsos, Əliyevi təbrik bə Netanyahu bə zumandəti oqardey xoto bəy elan bıə və Əliyevi məktobədə omə ki: az səmimonə şımə iminnə vəzir bey iyən kabineti fəaliyəti bino bey bə şımə və bə İsrail təbrik votedəm.
Əliyev ijən əlovəş karde: Azərbaycan Respublika iyən israili rabitəonro Boku məxsusə əhəmiyyətiş heste iyən ım rabitəon hevujəti pidəşe.
Həminə barədə Azərbaycan Respublika, təlimi vəziri muavin Muxtar Muhəmmədevi bənə israilədə ıştə iminnə səfir zıney bıdə.
Azərbaycan Respublika milli məclis təğribən 40 ruj çımiku bənav Fələstini işğal bıə sərzəminon, Telavivədə səforətxonə oj bey plan iyən de sionist rejimi rabitəon bə inkişof rosniye plani təsvibış kardə.
