İrağ və Suriyədə Tırkiyə ğeyri ğanuniyə əməliyoti oxonə statistikaon
Milodi 2023 minnə soriku oxonə rujədə, Tırkiyə mudafiə vəzarətxonə İrağ və Suriyədə, 10 nəfər PKK uzvon kıştə beyku xəbəş do.
Tırkiyə, PKK ıştə terroristiyə qrupon siyohədə ğərorış do iyən ım partiya uzvon co ytələbə partiya elanış kardə. Tırki hərbiçion bə canqi bəhonə İrağ iyən Suriyə şimolədə de PKK hərbiyə əməliyot əncom dodə və de Bəğdad və Dəməşği etırozon vucudi, ım ğeyri ğanuniyə mıdoxiləon dəvomış dodə.
Tırkiyə mudafiə vəzarətxonə har ruj İrağ və Suriyə şimolədə PKK tələfotonku qıləy raport muntəşirış kardedə əmmo Tırkiyə ərtışi hərbiçion barədə ki ım 2 qılə kişvərədə kıştə bəben, vey kamə xəbəon muntəşir bəbe.
Zinə Deşəmbə, Dekabri 31 minnə rujədə, Tırkiyə TRT Rədio-televeziya kanal Milodi 2022 minnə sori oxonə rujədə, və bə ım kişvəri mudafiə vəzarətxonə elanış karde, İraği şimolədə 2 nəfər PKK uzvon kıştə bıən.
Im vəzarətxonə ıştə bəyoniyədə təsdiğış karde: ım əməliyot İraği şimoli Mətina məntəğədə və de silohinə ğıvvon iyən milli kəşfiyot təşkliloti həmkoəti vositə əncom bıə.
Mudafiə vəzarətxonə ijən Suriyə şimolədə Şaxe Zeyton iyən Sepər forat nomo bıə əməliyotiyə məntəğəonədə 8 nəfər PKK uzvon kıştə beyku xəbəş do.
Im bəyoniyə bə PKK ələyh əməliyoton dəvomi təkidış karde.
Noyabrə manqi 13 minnə rujədə İstanbulədə terroristiiyə bomba noey bəpeşt, ki bəvədə 6 nəfər kıştə və 81 nəfər zəxmin bıə, Tırkiyə ıştə kişvəri daxıl iyən xarıcədə, bə PKK qrupi ələyh ıştə həmləon dəvomış do.qıləy holədə ki ım qrup, İstanbuli terroristiyə həmlədə harcurnə mıdoxilə rədış kardə.
