Erməniston çı kalektiv əmniyyət təşkilotiku xaric bə ni
Rusiyədə Ermənistoni səfir votışe: kalektiv əmniyyət təşkilotiku Ermənistoni xaric bey təkzib kardedəmon.
Rusiyədə Ermənistoni səfir zinə bə Tas aqentiyəti jurnalisti votışe: kalektiv əmniyyət şura təşkilati nımoyəndəon heyət şayəd sərhəd məntəğəonədə vırə bəkon.
Erməni ın diplomat həminə məsələ barədə votışe: çəmə tərəfo çı kalektiv əmniyyət təşkilati naziron iştirok rəd nibəbe və ın ki bəzi mediyaonədə Ermənistoni vindemonon bəyon bıbu dırıst ni.
Vağarşek Harotoniyan ım mısohibə cərəyonədə votışe: Erməniston və kalektiv əmniyyət təşkiloti miyono əloğəon bə nığıləti tərəf hərəkət kardedə.
Tojədən və bə kalektiv əmniyyət təşkilati vindemoni iyən Ğərəboğ mınoğişədə bıə be hərəkəti etıroz kardeyro Ermənistoni iminnə vəzir Nikol Paşiniyan de ım təşkiloti hərbi mıştərəkə manıvr bərpo nıkardeyku xəbə doəş be.
