İron və Ermənistoni xarıci tranziti ozavziyə
İroni şimol ğərb, Şərği Azərbaycani ostan, Ərəsi ozodə məntəğə təşkiloti yol, İron və Ermənistoni xarıci ticorəti ozavziyəku xəbəş do.
De məntəğə və dustə kişvəron iyən de hamsuyəon rabitəon inkişof doey, İroni dıvləti xarıci siyasəti vey muhimmə koon elan bıə.
İron bə coqrafiya mıvğiyəti xoto, 15 qılə kişvər ıştə hamsuyəti soybe və de məntəğə kişvəron və hamsuyəon rabitədə turizm, mədəniyət, sənaye, ticori və iğtisodi həmmə zərfiyəton əktiv kardey bə 2 ya çand qılə kişvəri əloğəon inkişofi bois bəbe və bə həminə vırə rəsey məntəğə sulh və stabiləti manafe boisəkəy.
De diğğət bə İron və Ermənistoni kanə rabitəon, 2 qılə kişvəri miyono veyə nezəti mucude. həminə mısbətə staj 2 qılə kişvəri rabitəon muxtəlifə baxşonədə təsirış noə be və bə çəy xoto, hamsuyə kişvəron miyonədə Erməniston de İroni ticori və iğtisodi rabitəonədə vey çokə vırə soybe.
2 qılə kişvəri ticori mıbodiləon əlovə bey prosses nışoş do ki həminə həmkoətionədə İron və Ermənistoni taciron və xususi baxşon, istehsoli baxşonədə bə investisiya fəaliyət və iğtisodi və ticori bə inkişof rosniye meylışon heste və həğiğətədə Erməniston bənə Avrasiya iğtisodi ittifoğədə Ğəfğazi məntəğə uzv İroniro qıləy muhimmə ticori şərik bə hisob omeydə.
Həminə cəhətədə və bə Fars aqentiyəti raporti əsos, cımə şəvədə və de Ermənistoni ticori bə inkişof rosniye məhdudiyəton və fırsəton təxəssusiyə iclosədə, Ərəsi ozodə məntəğə təşkiloti yol, Məcid Kiyani de Ermənistoni İroni mıştərəkə ozodə məntəğə icod beyro bə veyə cəhdon işorəş karde iyən votışe : Avrasiya ittifoği baxşədə bıə kişvəron iğtisodi fırsəton 700 milyard dollariku, İroni səhm 5.7 milyard dollare.
Kiyani ijən İron və Ermənistoni ticori mıbodiləon prossesi inkişof royədə zıneydə və əlovəş kardə: İron və Erməniston karde bəznen de lozimə instrukturon və mıştərəkə qədə vojoron icod kardey vositə, ıştə ticori mıbodiləon əlovə kon.
Ərəsi Ozodə məntəğə təşkiloti yol ijən votışe: bə Ermənistoni səmt, Ərəsi Ozodə məntəğə ixracati veyə məhsulon, Sement, ənəsutə əhənq, sudyom solfid, osınə, mivə, bana ğəc və .... şomile.
