Moskvaədə Rusiyə, Suriyə, Tırkiyə iyən İroni 4 tərəfiyə iclos

Tırkiyə xarəci vəzir İron, Suriyə, Tırkiyə iyən rusiyə 4 tərəfiyə iclosi dəvoniyeyku xəbəş do; ln iclos Maskvaədə bərpo bəbe.

Bə İrib raporti əsos, Mıvlod Çavoşoğlo votışe: ın iclos çı 4 qılə kişvəri muavinon səthədə iyən xarıci vəziron iclosi muğaddəmə hozzo kardey çərçivədə bəbe.

Rusiyə xarıci vəziri muavin Mixail Boqdanov həm tojədən bə həminə iclosi işorə kardey çərçivədə umidəvu mande ki de həminə icloson dəvom peydo kardey Dəməşğ iyən Ankara miyono diplomatik əloğəon bə tojə mərhələ varid bıbu.

Dəvardə sori Dekabrə manqi Maskvaədə qıləy iclos bərpo bıə be ki bə çəy əsos kooni çı Suriyə iyən Tırkiyə miyono əloğəon normal beyro əncom bıbu, hətto 3 tərəfi mıştərikə kamisiya təşkil beyro həm saziş bı.

Astanə momo bıə iclos 6 sor bəbe ki de İron, Rusiyə və Tırkiyə iştiroki və de İroni tə.əbbusi bo Suriyə behroni siyasi cəhəto həlliro bino bıə.