Tosə Ğəfğaz iyən Azərbaycan Respublikaku sionist rejimi məhv kardey zəmoni islomi muğaviməti fəaliyəton dəvom kardə

Azərbaycan Respublika Huseyniyon muğavimət hərəkati lider votışe: tosə Ğəfğaz iyən Azərbaycan Respublikaku sionist rejimi məhv kardey zəmoni islomi muğaviməti mehvər bəştə fəaliyəton dəvom bədoy.

Bə Tolışi Rədio raporti əsos, Şeyx Tovhid İbrohimi Lənkərani zinə qıləy bə farsi zıvoni muntəşir bıə filmədə təkidış karde: muxtəlif ğərorqohonədə çı Azərbaycan Respublika Huseyniyon muğavimət hərəkati fəaliyəton dəvom kardedə iyən i saniyə tətil bə ni.

Azərbaycan Respublika Huseyniyon muğavimət hərəkati lider bə Ğəfğaz məntəğəku sionist rejimi məh kardeyro muğavimət mehvəri ğəti ko işorəş karde və votışe: çəmə irodə həmm'tərəfinə cəto xususi mədəniyət və sivilizasiya cəhəto Azərbaycan Respublika bə islami umməti oqordoniyeye.

Hucətul islam vəl muslimin Tovhid İbrohimi Lənkərani tojədən çın islomi hərəkatiku muxtəlif qrupon xususi media kompaniyaonədə bə Huseyniyon muğaviməti aid bıə koonku ıştə ğədrdonəti nışoş do və əlovəş karde: lozimə koy ıme ki dışmono xəbisə planon barədə huşin bıbəmon.