Azərbaycan Respublikaku bə İron həmlə bey icozə nibədamon
Azərbaycan Respublika xarıci vəziri muavin votışe: Boku co kişvəron mınoğişəonədə mudaxilə nibəkay, çən bə israil icozə doe nibəbe ki çəmə kiçvəriku bə İron həmlə bıko.
Bə Təsnim aqentiyəti raporti əsos, Fəriz Rizoyev tojədən Fələstin işğali sərzəminədə votışe:İron çəmə hamsuyəy, əmə bəpe çəy kənoədə jimonkəmon, çən çəmə siyosət bə mısbətə çion təmərkuz kardeye.
Fəriz Rizoyev əlovəş karde: xarıci siyosətədə ixtilof təbii məsələy əmmo əmə bə mıstəğil siyosəti fəxr kardedəmon.
Azərbaycan Respublika xarıci vəziri muavin çı Ğərəboği canqi cərəyonədə bıə israil koməkon barədə həm votışe: əmə çı israili enerji əmniyəti təminədə mısbətə roli ifo kardedəmon.
Azərbaycan Respublika iyən israili miyono əloğəon vey soron bəbe ki icod bıə iyən siloh və enerji baxşədə dəvom kardeydə.
