Ermənistonədə bıə İroni səfir de ım kişvəri inkişofinə texnoloqiyaon sənaye vəzir vindemonış kardə
Ermənistoniədə bıə İroni səfir de ım kişvəri inkişofinə texnoloqiyaon sənaye vəzir vindemonış kardə və 2 qılə kişvəri həmkoətion hevujəti barədə votımonış kardə.
Bə İsna aqentiyəti raporti əsos, seşəmbə rujədə, Ermənistonədə bıə İroni səfir Əbbas zuhuri de Ermənistoni texnoloqiyaon sənaye vəzir, Robert Xaçateriyan vindemonədə işorəş kardə: texnoloqiya, kəşfiyot texnoloqiya və rabitəon vəzarətxonə həmkoəti sənədon icod kardey və texnoloqiya baxşədə, Tehron və İrəvani həmkoətion 2 tərəfiyə həmkoətion hevujəti barədə bənə vey muhimmə ğəm bə hisob omeydə.
Ermənistonədə bıə İroni səfir ijən elektrik devlət, anline sistemon icod kardey və texniki zıney mıbudiləon baxşonədə bə 2 qılə kişvəri təcrubəon mıbudilə kardey imkoni işorəş kardə.
Xaçatriyan həm 2 qılə kişvəron rabitəon inkişof doeyədə, Ermənistonədə bıə İroni səfiri cəhdonku ğədrdonətiş kardə və 2 qılə kişvəri həmkoəti hevujətiro bə Ermənistoni cəhdon təkidış kardə.