Kənani: Tehron-Boku rabitəon bə normal roy obəqarde

İran Peres: İroni xarıci vəzorətxonə sıxənəvot bə dəvardə ruji İron və Azərbaycan Respublika xarıci vəziron miyono telefoniyə votımon işorəş kardə iyən votışe: 2 qılə kişvəri rabitəon bə normal roy oqrdey cəhətədə hərəkət bəkamon.

Zinə rujədə və qıləy xəbəiyə iclosədə Nasir Kənani, İran Peres jurnalisti sıvoli cəvobış do iyən bə 2 qılə kişvəri miyono suitəfahomon peqətey barədə, bə İron və Azərbaycan Respublika xarıci vəziron miyono telefoniyə votımonon işorə iyən kali məlumaton bəyonış kardə.

İroni diplomatiya sıxənəvot ijən votışe: itərəfiku zinə şəvi muzakirəon dəvardə sazışon təğib kardey barədə be və ım muzakirəon dəvom peydo bəkay və co tərəfiku 2 qılə kişvəri miyono kali heyəton mıbudilə bıə və təxəssusi heyəton miyono muzakirəon əncom bıə.

Kənani ijən təkidış kardə: bə ım diplomatiya cəhdon umumon heste əmmo ısət karde zınəm ni ki bıvotəm kom mərhələdə hestimon əmmo çok və mınosibə prossesədə hestimon.

Əv ijən əlovəş kardə: Azərbaycan Respublika iyən İroni xarıci vəziron miyono, iğtisodi və məntəğə mevzuon təğib kardey həm co qılə bəyon bıə mevzuonku be və umumon heste ki həmkoətion zumand kardey baxşonədə həm çokə qəmon peqətə bıbu.