Şe-omeyon əlovə kardeyro Tehron və Boku sazışon
İroni roy və şəhrsoxtey vəzir, İron və Azərbaycan Respublika marzonədə şe-omey əlovə kardeyro 2 qılə kişvəri sazışiku xəbəş do.
Azərbaycan Respublika əcumlə İroni hamsuyəonkue ki dəvardə soronədə və muxtəlifə baxşonədə de İRoni hevujə həmkoətion tələbış be.
Milodi 2021 minnə sori Noyabrə manqi 28 minnə rujədə Aşqabadədə iğtisodi həmkoəti təşkiloti (EKO) iclosi kənoədə, Azərbaycan Respublika iyən İroni prezdenton vindemoni bəpeşt, 2 qılə kişvəri rabitəon vey rə əlovə bıə.
Həminə cəhətədə iyən bə Tele-Rədio aqentiyəti raporti əsos, İron və Azərbaycan Respublika iğtisodi mıştərəkə kamissiua kənoədə İroni şəhr soxtey iyən roy vəzir Mehrdad Bəzrpaş votışe: vəoməy 4 manqədə tojə marzi terminal bə istesmor bərəse iyən əlovəş kardə: Blə səvor iyən Ostor marzədə İroni tələbış heste ki şe-omeyon əlovə bıbun ki təyin bıə İron və Azərbaycan miyono ticorət və şe-omeyon zərfiyət əlovə bıbu.
Bəzrpaş ijən xəbəş do: intizorımon heste ki de tosə vəoməy 2 manqi mıddətədə, Xıdoafərin və Ordobadi sədon soxtey maneon peqətə bıbu və əlovəş kardə: İron və Azərbaycan Respublika bo maşini şoferon problemon həlliro həm qıləy mıştərəkə komitə təyin bıə.
İroni roy və şəhrsoxtey vəzir ijən votışe: təyin bıə ki Azərbaycan Respublika kişvəri marz yəni Ərbəbili Parsabadiku, İron 5 kilometrə reyls xətton icodko.
Dışəmbə rujədə, İron və Azərbaycan Respublika iğtisodi həmkoətion mıştərəkə kamissiya de İroni şəhrsoxtey və roy vəzir, Mehrdad Bəzrpaş iyən Azərbaycan Respublika iminnə vəziri muavin Şahin Mustıfayev ki İron və Azəri iğtisodi həmkoətion mıştərəkə kamissiya kişvəron heyəti yolon ohdəşon heste, bə Ostoro bəndəri marzi şəhri mizbonəti bərpo bıə.
