Marzi sərhəddon təyin kardey icloson bərpo beyro, Azərbaycan Respublika iyən Ermənistoni sazışon
Azərbaycan Respublika iyən Ermənistoni mıştərəkə marzi məntəğəonədə marzi təyin kardey kamissiya əməliyotiyə icloson bərpo beyro İrəvan iyən Buko rəsmi şəxson de yande sazış kardışone.
Bə zinə ruji İrna raporti əsos, Ermənistoni iminnə vəzir, Mehr Qriqoriyani təşkilot elanış kardə: bə de Azərbaycan Respublika 2tərəfiyə sazışon əsos, təyin bıə ki 2 qılə kişvəri marzi muxtəlifə məntəğəonədə marzi həddon təyin kardey icloson bərpo bıbu.
Azərbaycan Respublika iminnə vəziri muavin Şahin Mustəfayevi 4minnə vindemon de Ermənistoni iminnə vəzir Mehr Qriqoriyan ki 10 ruj çımiku bənav əncom bıə 2tərəf marzon təyin kardey iyən kali idoriyə məsələon barədə deyande votımon kardışone.
Həmonə iclosədə təvafuğ bıə ki vəoməy iclos, Ermənistoni Tavoş məntəğə iyən Azərbaycan Respublika Oğor məntəğədə bərpo bıbu.
Milodi 2020 minnə sori Noyabrə manqi 9 minnə rujədə Ğərəboği məntəğə barədə canq kardey, de Azərbaycan Respublika prezdent iyən iyən Ermənistoni iminnə vəzir və Rusiyə prezdent bənə vositəçiyəti sə bıə. əmmo de 2 qılə kişvəri miyono muxtəlifə səthonədə muzakirəon bərpo bey və otəşbasti sazışon imzo kardey vucudi həmişə çəvon mıştərəkə marzonədə daveon şoyd hestimon.
