İron və Azərbaycan Respublika sazış kardışone ki tosə omə 4 manqi Astaraçay pardi bə istesmor bırosnon

İron və Azərbaycan Respublika iğtisodi həmkoətion kamissiya yolon sazış kardışone ki tosə vəoməy 4 manqi mıddətədə Astaraçay pardi strukturon komilkon.

Bə İrna raporti əsos, İroni roy və şəhr soxtey vəzir və İron və Azərbaycan Respublika iğtisodi mıştərəkə kamissiya yol, Mehrdad Bəzrpaş de Azərbaycan Respublika iminnə vəziri muavin Şahin Mustəfayevi telefoniyə votımonədə bə 2 qılə kişvəri rabitəon inkişofi təkidış kardə.

Həminə telefoniyə votımonədə İron və Azərbaycan Respublika iğtisodi mıştərəkə kamissiya yolon təkid kardışone ki tosə vəoməy 4 manqi mıddətədə Astaraçay pardi strukturon komil bıbu.

Həmçınin ım votımonədə de İron və Azərbaycan Respublika iğtisodi mıştərəkə kamissiya yolon vositə, bə Xoda Afərin stansiya vey rə hozzo kardey təkid bıə.

İron və Azərbaycan Respublika iğtisodi mıştərəkə kamissiya yolon həmçınin deyande sazış kardışone ki çəvon telefoniyə icloson har haftə i kərə əncom bıbu ta bə çokə nəticəon bırəsən.