İron və Azəebaycan Respublika xarıci vəziron telefoniyə votımon

İroni xarıci vəzir, Huseyn Əmirəbdullahiyan de Azəebaycan Respublika xarıci vəzir, Ceyhun Bayramev 2tərəfi həmkoətion və məntəğə vey muhimmə məsələon barədə deyande məşvərət kardışone.

Bə İrna raporti əsos, ım telefoniyə votımonədə Huseyn Əmirəbdullahiyan əlovəş kardə: ısət 2 qılə kişvəri həmkoətion prosses construktiv iyən mısbətə royədə ğəror qətəşe.

İroni xarıci vəzir ijən Ostoroədə İron və Azəebaycan Respublika iğtisodi həmkoətion mıştərəkə komissiya yolon oxonə vindemoni muvəffəğiyətomiz zınəşe iyən əlovəş kardə: 2tərəfi miyono, və reyls iyən caddə baxşonədə, vey çokə sazışon əncom bıə.

Əmirəbdullahiyan ijən vəoməy haftədə bə İslomi həmkoəti təşkiloti virtual iclosi bərpo bey işorəş kardə iyən tojədən İsveç və Danmark kişvəronədə bə Kərimə Ğıroni be ehtıroməti kardey məhkumış kardə.

Im telefoniyə votımonədə həmçınin Azəebaycan Respublika xarıci vəzir bə Boku Əmirəbdullahiyani oxonə səfə vey muhimm zınəşe iyən əlovəş kardə ki vey kırtə zəmonədə və ım səfəri bəpeşt, 2 qılə kişvəri rabitəonədə mısbətə təsiron şoyd hestimon.