Rəyisi: məntəğə marzonədə İron de harcurnə əvəzon muxalife

İron İslom Respublika prezdent tojədən məntəğə torixi marzonədə əvəzon iyən harcurnə daveonro ıştə ciddiyə muxalifəti elanış kardə iyən məntəğə siyoni coqrafiyaədə harcurnə əvəzon oqəteyədə bə İroni hozzoəti təkidış kardə.

Milodi 2020 minnə sorədə Ğərəboği 44 rujə canq, de Rusiyə vositəçiyəti iyən Erməniston və Azərbaycan R. miyono otəş basti sazışon imzo kardey sə bıə.ım canqi oxoədə İrəvan, bə Azəri tərəfi mənafe əsos, Ğərəboği çand qılə baxşi ıştə dastiku doşe.əmmo de otəşbasti sazışon imzo bey vucudi 2 qılə kişvəri rabitəonədə həmçınan dave hakim be iyən çand kərə 2tərəf otəşbasti darşiyəşone.

Həminə cəhətədə iyən bə İron İslom Respublika Prezdenti məlumatərosnə mərkəzi raporti əsos, Şənbə rujədə İron İslom Respublika Prezdent Seyd İbreym Rəyisi, Ermənistoni iminnə vəzir Nikol Paşiniyani telefoniyə təmasi cəvobədə bə Ğəfğazi məntəğə oxonə təhəvulaton reaksiyaədə tojədən məntəğə torixiyə marzonədə de harcurnə daveonədə İron İslom Respublika ciddiyə muxalifəti elanış kardə və məntəğə qeopolotiyaədə har curnə əvəzon və tojə daveon vəy qəteyəd təsirinə roli ifo kardeyro, bə İron bənə zumandə hamsuyə hozzoəti təkidış kardə.

Rəyisi ijən məntəğə həmmə kişvəron rzi təmamiyyətiku İron İslom Respublika himoyə elan və bə xarıcion iştirok nıkardey təkidış kardə iyən votışe: məntəğə məsələon bəpe de məntəğə kişvəron miyono votımon kardey həl bıbu iyən Tehron hozzoe ki diplomatiya votımoni royku məsələon həli komək kardeyro ıştə roli ifo bıkon.

İron İslom Respublika prezdent ijən ım telefoniyə votımoni co qılə baxşədə de Ermənistoni sazışon icro beyədə vey rə əncom doey və dəvardəku vey ticori və iğtisodi rabitəon hevujətiro, iğtisodi həmkoətion inkişofi çokə prosses iyən 2 qılə kişvəri sazışon icro bey barədə Ermənistoni iminnə vəziri raporti cəvobədə İron İslom Respublika hozzoəti elanış kardə.

Im telefoniyə votımonədə ijən Ermənistoni iminnə vəzir Nikol Paşiniyan cənubi Ğəfğaz məntəğə oxonə təhəvulatonku və Ğəfğazədə meydoni təhəvulaton barədə votışe: İron İslom Respulika həmişə məntəğədə əmniyyət, stabiləti və sulhi zumandəti və oqətey iyən icod kardeyədə konstruktiv iyən təsirinə rolışe.