İron iyən Azərbaycan R. iğtisodi mıştərəkə kamissiyaon yolon telefoniyə votımonədə, Tehron iyən Boku sazişışon təğib karde

İron İslom Respublika roy iyən şəhrsoxtey vəzir iyən Azərbaycan R. iminnə vəziri muavin bənə 2 qılə kişvəri iğtisodi mıştərəkə kamissiyaon yolon 2tərəfiyə sazişışon təğib kardışone.

İron iyən Azərbaycan R. iğtisodi mıştərəkə kamissoya yo iyən roy və şəhr soxtey vəzir, Mehrdad Bəzrpaş de Azərbaycan R. iminnə vəziri muavin Şahin Mustəfayevi telefoniyə votımonədə ım kamissiya nakonə iclosədə bəyon bıə mevzuon iyən 2 qılə kişvəri miyono mıştərəkə planon təğib bıə.

Bə roy iyən şəhr soxtey vəzorətxonə raporti əsos, ım votımonədə Bəzrpaş de təkid bə məntəğə kişvəron iyən Azərbaycan R. ərzi təmamiyyəti ehtırom noey, məntəğə kişvəronədə de xarıci mıdoxiləon ıştə muxalifəti elanış kardə iyən votışe: məntəğə problemon bəpe de hamsuyəon vositə peqəte bıbu iyən məntəğəro xarıci hərbion iştirok təhdidine.

İroni roy iyən şəhr soxtey vəzir ijən əlovəş kardə: Azərbaycan R. iyən Ermənistoni miyono daveon peqəteyro İron İslom Respublika ıştə hamsuyəti siyosətiku istifodə kardedə.