Paşiniyan iyən Əliyev deyande vindemon bəkan

Vəomə haftədə, İspaniyaədə Ermənistoni iminnə vəzir iyən Azərbaycan R. prezdent deyande vindemon bəkan.

Dəvardə haftədə yəni Sentiyabrə manqi 19, Azərbaycan R. bə "Erməni ğıvvon be siloh kardey iyən anti terroristiyə əməliyoton bəhonə bə bandiyə Ğərəboği məntəğə həmlə kardəş. ım qıləy holədə be ki İrəvan elanış kardə be ki ım məntəğədə hiç qılə hərbi ğıvvə soyb ni və Buko hərəkət qıləy hevujə hucum zınəşe. 1 ruj çımiku bəpeşt, de Rusiyə sulh mərominə ğıvvon vositəşiyəti otəşbast icod bıə.

Bə İsna aqentiyəti raporti əsos, Ermənistoni əmniyyət şura qıləy bəyoniyədə elanış kardə: bandiyə Ğərəboği məntəğədə oxonə daveon dumoədə, Ermənistoni iminnə vəzir Nikol Paşiniyan iyən Azərbaycan R. prezdent İlham Əliyev Oktiyabrə manqi 5, İspaniya Qerandayədə deyande vondemon bəkan.

Bə həminə bəyoniyə əsos, ım iclosədə Fransə prezdent, Emanoel Makron, Almaniya kansler iyən Avropa şura rəyis Çarlz Mişel həm iştirokışone.