Tırkiyə və Azərbaycan R. mıştərəkə manevr
Oktiyabrə manqi oxonə rujonədə, Azərbaycan R. de Tırkiyə mıştərəkə manevr bərpo bəkay.
Bə İrna aqentiyəri Seşəmbə ruji raporti əsos, Azərbaycan R. vəzorətxonə, Oktiyabrə manqi oxoədə, Boku-Ankara mıştərəkə taktiki məşğon mizbonəti kardeyku xəbəş do iyən votışe: ım manevrədə çand qrupon bə Tırkiyə silohinə ğıvvon məxsus bıə aviyasiya təchizaton və ko kardə kəson iştirok bəkan.
Bə ım vəzorətxonə elani əsos, Tırkiyə hərbi təchizaton və ko kardə kəson bə Azərbaycan R. sərzəmin varid bıən.
Im manevr de 2 qılə kişvəri həvo və zəmini ğıvvə həmkoəti Azərbaycan R., Nəxcəvan iyən Ğərəboğədə çand qılə baxş bərpo bəbe.
Çand ruj çımiku bənav həm Tırkiyə, Azərbaycan R. iyən Qurcıston Bokuədə Azərbaycan R. milli mudafiə Universitet hərbi məşğon mərkəzədə "Eternity-2023" nomo mıştərəkə manevr bərpo kardışone.
